АК ОЛПОК

– 1) жоокердик кийим. Аны баа­тырлар чалгынга, жоого чыкканда найза, кы­лыч, ай балта ж‑а жебеден сактанууга, о. эле эл башкаруучу атак‑даңк, сөөлөт үчүн да кийиш­кен. Кийиз м‑н кайыш кабатталып (сырткы бетине өзгөчө түр берүү үчүн арасына темир, ал­барстын майда өгөндүсү же кум кошулган), кай­ра‑кайра шырылып, жибек же баалуу кездеме­лер м‑н ичтелип, этеги, жеңи кыска, тик жака, алды‑арты өз‑өзүнчө туюк жасалып, эки кап­талы ачык тигилип, бүчү м‑н бүчүлөнгөн. Бет келген душманга сүрдүү көрүнүү үчүн сырткы бетине (кайышка) жырткыч айбандын (арстан, жолборс, ажыдаар) ар түрдүү көрүнүштөгү сү­рөтү, оюм‑чийим түшүрүлгөн. Ал эми «Ак» түшүнүгүнүн кошулуп айтылышы, кыргыздар­дын жоокерчилик заманда өң‑түстү гана эмес, касиеттүү, ыйык, ырайымдуулук деген мааниде колдонулгандыгын билдирет. «Манас» эпосун­да А. ок өтпөгөн, найза тешпеген, кылыч кес­пеген чыдамдуу ж‑а касиеттүү, көркөм, асем‑сый буюм катары сүрөттөлөт; 2) мамык төшөкчө. Ичине жүн ж‑а кебез салынып, ак бөз кездеме­ден жасалып, бешикке төшөлөт.

Ш. Керимова.