АВСТРИЯ-ТҮРКИЯ СОГУШТАРЫ

 (16‒18-к.) ‒16-к-дын 20-ж-нан негизинен Балкан ж. а-нын түн. бөлүгү ж-а Венгрия королдугунун аймагы үчүн австриялык Габсбургдар м-н Осмон империясынын ортосунда күрөш жүргөн. 1521-ж. түрктөр Венгрияга жортуул жасап Бел

градды ээлейт, кийинчерээк венгриялык-чехиялык армияны талкалайт (29-август 1526). 1532‒33, 1540‒47, 1551‒62, 1566‒68, 1660‒64-ж. А.-Т. с-нын жыйынтыгы Австрия м-н Түркиянын Венгрия королдугунун аймагын бөлүштүрүп алуу м-н аяктаган. 1683‒99-ж. согуш Түркиянын аскерлеринин Австрияны басып кирүүсү, Венаны курчоосу м-н (1683) башталып, түрктөргө каршы түзүлгөн коалициянын (Австрия, Польша, Венеция, 1686-ж. Россия) аскерлери нен жеӊилген ж-а Европадагы ири аймактарынан айрылган. Ушундан соӊ түрктөр Борб. Европадан чегинген. 1737‒39, 1788‒90-ж. А.-т. ж-а 1735‒39, 1787‒91-ж. орус-түрк согуштарында Россия тарапта катышкан Австрия жеӊилип калган соӊ, Осмон империясына Сербиянын ж-а Валахиянын айрым бөлүктөрүн кайтарып берген.