АДЕЛАИДА шаары

 – Австралиянын түш. бөлүгүндө жайгашкан порт шаар; Түш. Австралия штатынын адм. борбору. Калкы 1,2 млн (2011). Торренс д‑нын боюнда, Сент‑Винсент булуңу­нун жээгинде, Маунт‑Лофти кырка тоосунун этегинде жайгашкан. Машина куруунун ж‑а шарап жасоонун ири борбору. Нефть ажыратуу, хим., тамак‑аш, жеңил өнөр жайы, ун‑т, обсерватория, 3 музей, а. и. сүрөт галереясы бар. 1836‑ж. негизделип, англ. король Уильям IУнүн аялы королева Аделаиданын урматына аталган. Аден – Йемен Республикасындагы шаар; Аден мухафазасынын (адм.-айм. бирдик) адм. борбору. Калкы 800 миң (2008). Араб деңизинин Аден булуңундагы транзиттик порт (жылына млн т жүк ташылат). Өлкөнүн экон. ж‑а соода борбору. Экономикасынын негизин Суэц каналы аркылуу өткөн кемелерди тейлөө түзөт. Баб‑эль‑Мандеб кысыгына жакын жайгашкан. Эл аралык аэропорту бар. Нефть ажыратуу, кеме ремонттоо, текстиль, тамак‑аш өнөр жайы, ун‑т иштейт. Сыртка нефть, а. ч. продуктулары, балык сатылат. Байыркы убактан эле грек, рим географтарына Адана же Асана деген ат м‑н белгилүү. 1839-1967‑ж. – Улуу Британиянын ээлиги.