АНДАМАН АРАЛДАРЫ

Инди океанынын

түндүгүндө, Бенгала булуңу м-н Андаман деңизинин аралыгында. Индиянын Андаман жана Никобар аралдары союздук аймагынын бир бөлүгү. Аянты 6,7 миң км² ден ашык. Суу астындагы тоолордун чокуларында жайгашкан, түндүктөн түштүккө карай 350 кмге созулат. 204 аралдан турат; ирилери: Түн., Ортонку, Түш., Кичи А. а. Жээктери өтө тилмеленген, ыңгайлуу бухталары көп. Айрым жээктери коралл рифи м-н курчалган. Өтө тилмеленген жапызтоо рельефи басымдуу; бийикт. 729 мге чейин (Садл-Пик чокусу). Абанын жылдык орт. темп-расы 28°С; жылдык жаан-чачыны 2500 мм. Дайыма жашыл тропик токою өсөт. Жыгач даярдалат. Шалы эгилет. Кокос пальмасы өстүрүлөт; балык кармалат. Түш. Андаман а-нда Порт-Блэр ш. жайгашкан. 2004-жылкы Инди океанындагы жер титирөөгө байланыштуу пайда болгон катуу цунамиден өтө жапа чеккен.