МЕГАЛИТ МАДАНИЯТЫ
МЕГАЛИТ МАДАНИЯТЫ - энеолит менен коло дооруна таандык бир катар археол. маданияттардын жалпы ататышы. Мегалит курулуштары (дольмендер, менгирлер, кромлехтер ж. б.) ошол кезде тургузулган. Кээ бир илимпоздор бул ку-
рулуштарды адегенде Батыш Европанын деңиз жээктеринде жашап, кийин башка аймакка тараган уруулар салган деп божомолдошкон. Бирок азыркы изилдөөлөр бул божомолду төгүнгө чыгарып, Европада мегалит курулуштарын салуу түштүктөгү бирдиктүү борбордон түндүккө тарагандыгын далилдейт.