МИНДАНАО
МИНДАНАО - Филиппин архипелагынын түштүгүндөгү арал. Аянты 94,6 миң км2. Жанартоо масссивдери (бийиктиги 2954 м, Апо жанартоосу) жана саздуу ойдуңдар, ири булуңдар, океанга кирип турган кууш жарым аралдар мүнөздүү.
Климаты субэкватордук, муссондук, түштүгү экватордук. Жылдык жаан-чачыны 1000-2000 мм (тоолорунда 4000 ммте жакын). Дайыма жашыл жана жалбырагы күбүлмө тропик токою өсөт. Темир кени бар. Шалы, абака, ананас, кокос пальмасы өстүрүлөт. Ири шаарлары: Давао, Замбоанга.