МАСТИХИН
МАСТИХИН - бычак же күрөк баштанган ийилчээк болоттон жасалган калакча. Көбүнчө май боёк живописинде полотнонун айрым жериндеги боёкту кетирүү, кыртыш (коюу боёк) сүйкөө, тазалоо, кээде боёкту тегиз же рельеф түрүндө сыйпоо үчүн керектелет. М. кыл калем ордуна да колдонулат, мисалы, Г. Курбе «Бретань жээктериндеги деңиз» картинасын М. менен тарткан (А. С. Пушкин атындагы Мамлекеттик көркөм сүрөт искусство музейи, Москва).