МАКРОЭКОНОМИКА
МАКРОЭКОНОМИКА (макро... жана экономика) - экономика илиминин өлкөнүн экономикасына таандык йри масштабдагы кубулуштарды жана процесстерди изилдеген бөлүгү; улуттук деңгээлде өз ара байланыштагы экономикалык процесстердин жыйындысы; улуттук чарбаны бир бүтүн нерсе катары изилдеген экономикалык теориянын бөлүгү. Термин алгач 1934-жылы Р. Фишер тарабынан
сунушталган. Ал эми макроэкон. жаңы багыттын негиздөөчусү англ. экономист Ж. М. Кейнс (1936-жылы жарык көргөн «Иш менен камсыз болуу, акча жана проценттин жалпы теориясы» эмгегинен кийин) болгон. М. өлкөнүн экономикасынын өнугүшүнүн факторлорун жана жыйынтыктарын, ресурс жетишсиз шартында экономикалык өсүүнүн тенденцияларын изилдейт. М. объектиси катары жыйынтыкталып жалпыланган экономикалык көрсөткүчтөр (улуттук жана ички дүң продуктулар, улуттук киреше, мамлекеттик жана жеке инвестициялардын суммасы, жүгүртүүдөгү жалпы акча көлөму) эсептелинет. Ошол эле учурда М. өлкөдөгү орт. экономикалык көрсөткүчтөрду (орт. киреше, орт. эмгек акы, инфляция деңгээли, жумушсуздук, иш менен камсыз болуу, эмгектин өндүрүмдүүлүгу, экономикалык өсүүнүн темпи жана түзулүш пропорциялары) да изилдейт.