ЛОНДОН КОНФЕРЕНЦИЯСЫ (1924)
ЛОНДОН КОНФЕРЕНЦИЯСЫ (1924) - Биринчи дүйнөлүк согушта (1914-18) жеңген державалардын өкүлдөрүнүн жыйыны. Л. к. 1924-жылы июль-август айларында Лондондо өткөн. 16-августта Ч. Дауэс жетектеген эл аралык эксперт комитети сунуш кылган Германия үчүн репарациялык план кабыл алган. Ал боюнча согуш ө. ж. потенциалын калыбына келтирүү үчүн Германияга зайым жана кредит берүү каралган. АКШ, Улуу Британия, Франция германиялык агрессияны СССРге каршы багыттап, Германиянын экономикасын америкалык-англ. монополияларга көз каранды кылууга умтулган.