ЛОББИЗМ
ЛОББИЗМ - парламенттин чечим кабыл алуу процессинде жеке жана коомдук уюмдардын (саясий партия, профсоюз, корпорация, ишмерлер бирикмелери ж. б.) таасир кылуучу механизмин түшүндүргөн саясий термин. Л. АКШда саясий мааниге ээ. Л. шайлоо учурунда добушту «кулуарларда», «көчөлөрдө сатып алуу» дегенди түшүндүрөт. Л. саясаты негинен: 1) социалдык, саясий күчтөрдүн пайдасына; 2) өлкөнүн, аймактардын кызыкчылыктарын коргоо үчүн; 3) жалпы социалдык же глобалдуу проблемаларды чечүү максатында колдонулат. Л. көп тепкичтүү социалдык көрүнүш. Л-дин негизи болуп социалдык, этностук, саясий топ же кыймыл эсептелет. Л-дин механизмдери - көзөмөлгө алуу. Л. институту АКШда 1946-жылдан расмий көзөмөлдөнөт жана финансылык жардам алат. Л-дин саясий таасирдүүлүгү АКШда, өзгөчө согуштук ө. ж. комплексинде өтө күчтүү.