МАЙ
МАЙ — Талас облусу Манас р-нундагы кыштак. Май айыл аймагына караштуу. КызылАдыр тоосунун этегинде, деңиз деңгээлинен 626 м бийикте жайгашкан. Райондун борбору Покровка кыш-нан 16 км батыш тарапта. Жамбыл т. ж. бекетинен 30 км. Кыштак 1936-жылы негизделген. Калкы 3471 (2009); негизинен дыйкан чарбаларында эмгектенет. Орто мектеп, китепкана, медпункт, бала бакча бар. Улуу Ата Мекендик согушта курман болгондорго эстелик тургузулган.