ЛИТВАЛЫКТАР
ЛИТВАЛЫКТАР, летувий - Литванын жергиликтүү калкы. РФ, Латвия, Украина, Беларуссия, Польша, Канада, АКШда жашашат. Жалпы саны 4,2 миллион киши, анын 2,9 млну Литвада
(2009). Литва тилинде сүйлөшөт, динге ишенгендери - католиктер. Л-дын этностук негизин балтика
уруулары түзгөн. Алар биздин заманга чейинки 2-миң жылдыктын 1-жарымында Даугава жана Неман д-нын жээктерине жайгашып, жергиликтүү калк менен ассимиляциялашкан. Дыйканчылык, мал чарбачылык, аарычылык жана балык кармоочулук менен кесиптенишкен. Улуттук кийими - аялдары узун көйнөк, кенен юбка, алжапкыч, жеңсиз күрмө кийип, белине кур курчанат. Башына оймолуу тасма же чепец кийип, жоолук салынат. Кийимдери саймаланып жана шурулар менен кооздолгон. Эркектери боз кендирден тигилген көйнөк, ыштан, күрмө, башына калпак киет. Тамак-ашы - негизинен дан, эт, сүт азыктары.