КӨБҮК-СУУ

КӨБҮК-СУУ – Ички Теңир-Тоодогу суу, Көкөме­рендин оң куймасы. Жумгал районунун аймагы аркылуу агат. Узундугу 35 км, алабынын аянты 398 км². Куралуу аймагынын деңиз деңгээлинен орточо бийиктиги 2800 м. Негизинен кар ж-а жер астын­дагы суулардан куралат. Көбүк-Суунун 52 куймасы бар. Жылдык орточо чыгымы 9,4 м³/сек, модулу 23,6 л/сек.км². Июль айында ташкындап, фев­ралда тартылат. Алабындагы мөңгүлөрдүн жал­пы аянты 2,7 км².