БУНЯКОВСКИЙ БАРАБАРСЫЗДЫГЫ

БУНЯКО́ВСКИЙ БАРАБАРСЫЗДЫГЫ – математикалык анализдин негизги барабарсыздыгы. Буняковский барабарсыздыгы квадраттары интегралдануучу f(x) жана g(x) функциялары үчүн төмөнкүчө жазылат:
$[\int \limits _{a}^{b}f(x)\,g(x)\,dx]^{2}\leq \int \limits _{a}^{b}f^{2}(x)\,\,dx\,\cdot \int \limits _{a}^{b}g^{2}(x)\,dx$;

В. Я. Буняковский киргизген. Бул барабарсыздык Кошинин алгачкы барабарсыздыгына окшош:
$(a_{1}b_{1}+a_{2}b_{2}+...a_{n}b_{n})^{2}\leq ({a_{1}}^{2}+{a_{2}}^{2}+...+{a_{n}}^{2})({b_{1}}^{2}+{b_{2}}^{2}+...+{b_{n}}^{2}).$ Бурняковский барабарсыздыгы кээде Шварц барабарсыздыгы (Г. А. Шварцтын урматына) деп да аталат. Бирок В. Я. Буняковский өзүнүн барабарсыздыктар жөнүндөгү эмгегин 1859-жылы жазса да, Г. А. Шварц өзүнүн эмгектеринде 1884-жылы гана пайдаланган.