БОСТОН АСЕМ ИСКУССТВО МУЗЕЙИ

БО́СТОН АСЕМ ИСКУ́ССТВО МУЗЕЙИ – Америка Кошмо Штаттарындагы ири көркөм музейлердин бири (1870-жылы негизделген). Музейде Египет, Грекия, Рим искусствосунун эстеликтери топтолгон. Орто кылымдагы Кытай жана Япония, Индия, Азия өлкөлөрүнүн искусствосу (айкел, живопись, карапа), Англиянын күмүштөн жасалган буюмдары, Франциянын импрессионисттеринин картиналары, XVIII–XX кылымдардагы Америка живописи (Г. Стюарт, Ж. Вашингтондун портрети, 1796) жана башка кооздоо жана көркөм сүрөт искусствосунун эстеликтери сакталган.