КОНТРДАЯРДЫК

КОНТРДАЯРДЫК – коргонууда турган оперативдүү бирикменин душмандын алгачкы чабуулунун мизин кайтарып, үзгүлтүккө учуратуу же күчүн кетирүү үчүн колдонулуучу ыкмаларынын бири. Контрдаярдык ракеталык аскерлердин, авиациянын, артиллериялык ж. б. атма куралдар м-н душмандын башкы топторуна күтүүсүз чечкиндүү сокку уруу үчүн жүргүзүлөт. Ядролук кол салуу куралдары, артиллерия, миномёттор, аэродромдогу самолёттор, жүрүшкө чыгууга же чабуул коюуга даярдалган танктар ж-а мотопехота, башкаруу пункттары, байланыш түйүндөрү, ок-дары ж-а күйүүчү май кампалары, ошондой эле душмандын чабуул коюучу күчтөрүнүн согушка жөндөмдүүлүгүн начарлатуучу ж. б. нерселер – контрдаярдыктын негизги объектилери.