КОНВЕРГЕНЦИЯ ТЕОРИЯСЫ
КОНВЕРГЕ́НЦИЯ ТЕОРИЯСЫ – коомдук түзүлүшү ар кандай мамлекеттердин ортосундагы экономикалык ж-а саясий айырмачылыктар акырындап жоюлуп, алар бири бирине кошулушат деген саясий теория. Конвергенция теори ясы 20-кылымдын 50–60-жылдарында пайда болгон. Анын чыгышына илимий-техникалык революцияга байланыштуу жеке (майда) өндүрүштүн ирилештирилиши, мамлекеттердин өндүрүштө экономикалык ролунун өсүшү, өлкө масштабы боюнча пландоо элементтеринин киргизилиши таасир тийгизген. Конвергенция теориясын мына ушул процессти чагылдыруудан келип чыккан концепция катары кароого болот. Конвергенция теориясынын өкүлдөрү (Ж. Гелбрейт, АКШ; Р. Арон, Франция; Я. Тинберген, Нидерланд ж. б.). СССР күчтүү мезгилинде эле капитализм м-н социализм катарлаш өрчүп отуруп, бири бири м-н жакындашып, ал экөөнүн ортосунан жаңы коом пайда болот деген тыянак чыгарышкан. СССРдин, бүткүл социалисттик системанын кыйрашы м-н конвергенция теориясы өзүнүн илимий маанисин жоготту.