КОЛПАКОВА
КОЛПАКОВА Татьяна Алексеевна (18. 10. 1959- жылы туулган, Чүй облусу, Аламүдүн району, Аламүдүн айылы) – спортчу (узундукка секирүү), олимпиялык оюндардын ж-а Кыргызстандын чемпиону ж-а ре-
кордсмени. СССР спортунун чебери (1978), эл аралык класстагы чебер (1979), СССР спортунун эмгек сиңирген чебери (1980). КМДТИни бүтүргөн (1988). 1979-жылы СССР курама командасына кирген. 22- олимпиялык оюндарда 7 м 6 см узундукка секирип, алтын медалды жеңип алган (1980, Москва). Европанын кубогуна ж-а 1981-жылы Румынияда (Бухарест) өткөрүлгөн Бүткүл дүйнөлүк студенттердин универсиадасына катышып, узундукка секирүү боюнча 1-орунга чыккан (6 м 81 см). Эл достугу ордени м-н сыйланган.