КОЖОКМАТОВ
КОЖОКМАТОВ Сатынды (3. 12. 1935-жылы туулган, Ысык-Көл облусу, Ак-Суу району, Маман айылы – 4. 12. 2008, Бишкек) – медицина илимдеринин доктору (1993), профессор (1994). КРдин эмгек сиңирген врачы (1995). КММИни бүтүргөн (1959). 1959–75-жылдарда Сүлүктү шаарында хирург, бөлүм башчысы, 1975–79-жылы КММИде ассистент, доцент, 1990-жылдан кафедра башчысы болуп иштеген. Хирургия, травматология ж-а ортопедия боюнча адис. 130дан ашык илимий эмгеги, анын ичинде 4 монография, 10 ойлоп табуусу бар. СССР саламаттык сактоосунун отличниги (1970). И. К. Ахунбаев атындагы сыйлыктын лауреаты (1999). Эмгек Кызыл Туу ордени м-н сыйланган.
Эмг.: Лечение повреждённого тазобедренного сустава и их последствий. Б., 1977; Экзогенный остеомиелит (в соавторстве). Б., 1977; Организация неотложной травматологической помощи (в соавторстве). Ф., 1985; Закрытая травма живота (в соавторстве). Ф., 1986.