КОЖАХМЕТОВ
КОЖАХМЕТОВ Какимсеит Хамитович (1937- жылы туулган, Казакстан, Талды-Коргон облусу, Алакул району, Үч-Арал айылы) – физик, физика-математика илимдеринин доктору (2002). Ленинград мамлекеттик университетин (1963), ошол эле жерде аспирантураны (1966) бүтүргөн. Казак ССР ИАнын математика ж-а механика институтунун кенже илимий кызматкери, окумуштуу секретары, директордун орун басары, Казакстан мамлекеттик университетинда улук илимий кызматкер, Кыргыз ССР ИА ФМИде улук илимий кызматкер, лаборатория башчысы, ФПИде улук илимий кызматкер, жетектөөчү илимий кызматкер, КТУда доцент, улук илимий кызматкер, 1996-жылдан КМКТАУнун илим-изилдөө бөлүмүнүн башчысы. Катуу нерсенин деформациялануу механикасы тармагы боюнча адис. 70тен ашык илимий эмгеги, анын ичинде 3 монографиясы жарык көргөн.
Эмг.: Нелинейная теория упругости. Б., 1996; Метод граничных элементов в задачах геомеханики. Б., 2000; Расчётные методы оценки устойчивости откосов. Б., 2000.