КИЧИ КЕМИН (Кемин районундагы кыштак)
КИЧИ КЕМИН – Чүй облусунун Кемин районундагы кыштак. Кичи Кемин айыл округуна караштуу. Кичи Кемин суусунун сол өйүзүндө, Бишкек – Ак-Түз жолунун боюнда, деңиз деңгээлинен 1600 м бийикте жайгашкан. Райондун борбору ж-а темир жол бекети Кемин шаарчасынан 20 км түндүк-чыгыш тарапта. Кыштак 1921-жылы негизделген. Калкы 3185 (2022); негизинен мал м-н алектенет. Орто мектеп, китепкана, клуб, бала бакча бар. Үй-бүлөлүк врачтар тобу, соода түйүндөрү, турмуш-тиричилик кызматынын бөлүмдөрү иштейт.