МЕЛИЗМДЕР

МЕЛИЗМДЕР (грекче melisma – ыр, обон) – 1. Сөздүн бир муунуна гана ырдалчу обондун бөлүгү же түгөл обон. Мелизмдердин рулада, пассаж, колоратура сыяктуу түрлөрү бар. Мелизмдер ырдоонун карама-каршы түрү – силлабикалык ырдоо. 2. Туруктуу мүнөздөгү чакан обондук кооздоо. Алар вокалдык жана аспаптык музыкада бирдей колдонулат. Мелизмдердин түрлөрү – форшлаг, трель, мордент, группето жана башкалар.