ЛАВАБО

ЛАВАБО, р а в а т, рабоб – кытайлыктардын (синьцзяндыктардын) чертме кылдуу элдик музыкалык аспабы. Өзбекстанга жана Орто Азия, Индия өлкөлөрүндө да тараган. Лавабо жыгачтан чабылат, чарасы чөйчөк түспөлүндө келип, жаргак менен капталат. Моюну 21-23 ладдарга, беренелерге бөлүнгөн. Жалпы узундугу 950-1000 миллиметр. 5 кылдуу, тарамыштан жасалат. Жеке, ансамблде, эл аспаптар оркестринде ырларды жана башка чыгармаларды коштойт.