АРАЛЫК

АРАЛЫК– мааниси кандай объект үчүн аныкталып жаткандыгына көз каранды болгон геометриялык түшүнүк. Эки чекиттин арасындагы Аралык аларды туташтырган кесиндинин узундугу. Чекиттен түз сызыкка (же тегиздикке) чейинки Аралык – берилген чекиттен берилген түз сызыкка (тегиздикке) түшүрүлгөн перпендикулярдын кесиндисинин узундугу. Жарыш түз сызыктардын (тегиздиктердин) арасындагы Аралык – бул түз сызыктарга (тегиздиктерге) жүргүзүлгөн жалпы перпендикулярдын кесиндисинин узундугу.