ГАЗДАН САКТАНУУЧУ ЖАЙ

ГАЗДАН САКТАНУУЧУ ЖАЙ – кишилерди хим. уу заттардын таасиринен сактоочу, атайын жылчыксыз жабдылган жай. Душман кыйратуучу каражаттарды колдонгон учурда өздүк коргонуу каражаты жок адамдарды узак мөөнөткө кармоо үчүн ыӊгайлаштырылып курулат. Ал чыпкалоочу, желдетүүчү, жылытуучу, жарык берүүчү приборлор, жатуучу жайлар (койкалар), суу м-н камсыз кылуу ж-а канализация системасы м-н жабдылат.