ЛЮБЛИН
ЛЮБЛИН - Полыпанын чыгышындагы шаар. Быстшица дарыясынын боюнда жайгашкан. Люблин воеводдугунун (администрациялык-аймактык бирдик) администрациялык борбору. Калкы 349,3 миң (2010). Жолдор тоому. Өлкөнүн чыгышындагы экономикалык жана маданий борбор. Машина куруу (анын ичинде автомобиль), тамак-аш-татымал, булгаары-бут кийим, тигүү өнөр жай ишканалары иштейт. X кылымдан белгилүү. Университет, музей бар. Архитектуралык эстеликтери шаардын эски бөлүгүндө жайгашкан. Сепил (учурда музей; XIII-XIX кылымдар), ратуша (XIV-XVIII кылымдар), готика, ренессанс, барокко стилиндеги турак жайлар менен костёлдор (XIV-XVIII кылымдар) сакталган. Люблинге жакын Майданек мамлекеттик музейи (1941-1944-жылдары фашисттик концлагер болгон; 1,5 млнго жакын адам жок кылынган) жайгашкан.
