НЕФТЬ МОНОПОЛИЯЛАРЫ
НЕФТЬ МОНОПОЛИЯЛАРЫ - нефть чарбачылыгын башкаруучу күчтүү, кубаттуу бирикме. Ондогон нефть тресттери эл аралык монополияны түзөт. Башка чарбалардан финансылык кубаттуулугу, өндүрүш каражаттарынын күчтүүлүгү, дүйнөлүк орду, соода-сатык маселелеринин ыңгайлуулугу менен айырмаланат. АКШ, Улуу Британия, Франция, Бельгия, Сауд Арабиясы, Иран, Ирак, Кувейт, Венесуэла, Катар, Индонезия дүйнө жүзүндө алдынкы монополия болуп саналышат. Булар башка өлкөлөрдүн байлыктары менен киши күчүн пайдаланышат. Ошентип өздөрүнүн капиталдарын чыңдайт, Монополиялар ортосундагы атаандаштыкты, карама-каршылыкты күчөтөт.