НЕРОН
НЕРОН Клавдий Цезарь (37-68, Рим) - рим императору (54-жылдан). Юлий Клавдий династиясынан. Адегенде сенат менен макулдашып башкарып, кийин куугунтуктоо жана конфискациялоо саясатына өткөн. Бул сенат ак сөөктөрүнүн гана эмес, башка катмарлардын да каршылыгын пайда кылган. Н. бийлик үчүн эң жакын адамдарын (энесин да) жана белгилүү инсандарды (Сенека, акын Лукан, жазуучу Петроний ж. б.) курмандыкка чалган. 68-ж. Виндекс,
Гальба провинцияларынын акимдери ага каршы көтөрүлгөндө Н. Римден качып чыгып, жолдо өзүн-өзү өлтүргөн.