НААМА

НААМА, н а а м е (ир. - кат, жазуу, китеп, чыгарма) - эпистолярдык форманын бир түрү, бирөөгө жөнөтүү үчүн атайы арналып жазылат. Бул форма көбүнчө тажик-фарсы, өзбек жана башка түрк элдерине тиешелүү. Мисалы, салам наа­ма кат жаздым, сагынып сага баралбай (Того­лок Молдо). Дүйнөлүк адабий прогресске өз са­лымдарын кошкон Хорезми, Амири, Фирдоу­си, Бабурдун чыгармалары Н. формасында жа­зылган(мисалы, «Бабур нааме», «Шахнааме» ж. б.). Н. бүтүн чыгарма же бир чыгарманын үзүндүсү болушу да мүмкүн.