МУРАД ХАН
МУРАД ХАН (1805-45) - Кокон ханы (1845), Алим хандын уулу. 1845-ж. жай айында Бухаранын эмири Насрулланын түрткүсү менен козголоң уюштуруп, Шераалы хан өлтүрүлгөндөн кийин жети (башка маалыматтарда он бир) күн такка отурган. Бирок Мусулманкул тез арада кол курап, хандын ордосун басып алган. М. х. өлтүрүлүп, такка 14 жашар Кудаяр ханды отургузган жана Мусулманкулдун өзү аталык (регент) болуп калган.