МИЦЕЛЛА

МИЦЕЛЛА (латынча micella - майда бүртүкчө) — кол­лоиддик системадагы дисперстик фазанын бөлүкчөсү (бүртүкчөсү). Ар бир М. эриткичте эри­беген ядродон, адсорбциялык катмардан турат. Бул бөлүкчөлөр оң иондорду адсорбциялап алып, оң коллоиддик бөлүкчөлөрдү пайда кылат. Экинчи бир коллоиддик бөлүкчөлөр терс иондорду адсорбциялап алып, терс заряддуу кол­лоиддик бөлүкчөлөрдү пайда кылат.