МИКРОПРОЦЕССОР
МИКРОПРОЦЕССОР (микро... жана процессор) - жеке компьютердин борбордук процессорунун милдетин аткарып, өзүнчө интегралдык схемада маалымат иштеп чыгуучу, программалуу башкарылма түзүлүш. Ал негизги эстен буйруктарды жана иштелип чыгуучу маалыматтарды териштирет, буйруктардын коддорун чечет; арифметикалык, логикалык ж. б. операцияларды аткарат; маалыматтарды негизги эске киргизүү-чыгаруу түзүлүшүнүн жардамы менен алмашат жана кайра иштетет; үзүлүү сигналдарын кайра иштеп чыгат ж. б. Ал микро-ЭЭМде жана автоматтык башкаруу системасында колдонулат, ошондой эле к. Борбордук процессор.