«МИҢ КЫЯЛ»
«МИҢ КЫЯЛ» - Токтогулдун шыңгырамалар буроосунда (толгоосунда) жана аньгчертүү чегинде жараткан шандуу күүсү. Таасирдүүлүгү жана көркөмдүк касиети боюнча симфониялык салтанаттуу увертюрага тең болгон терең мазмундуу чыгарма. В. С. Виноградов, Ч. Исабаев, Б. Феферман ж. б. тарабынан нотага салынып, жыйнактарга жарыяланган. Композиторлор тарабынан симфониялык, камералык жана эл аспаптар оркестрлеринде аткарууга ылайыкташтырылып, иштелип чыккан.