МАНАС ЧОКУСУ
МАНАС ЧОКУСУ — Талас Ала-Тоосунун эң бийик жери. Бийиктиги 4482 м. Талас Ала-Тоосунун батыш бөлүгүнун түндүк тарапка кеткен тармагында жайгашкан жылаңач чоку. Капталдары өтө
тик, кар-мөңгү токтобойт. Палеозойдун сланец, акиташ теги, кумдук тоо тектеринен турат. Түштүк-чыгыш капталындагы мөңгүдөн Күркүрөө суусу башталат. Чокуга алгачкы жолу 1933-жылы москвалык альпинист Э. С. Левин чыккан.