МАЛОВОДНЫЙ (Сокулук р-ну)
МАЛОВОДНЫЙ - Чүй облусунун Сокулук районунундагы кыштак. Кызыл-Туу айыл аймагына караштуу. Деңиз деңгээлинен 854 м бийикте жайгашкан. Райондун борбору Сокулук кыш-нан 14 км чыгыш тарапта. Шопоков т. ж. бекетинен 12 км. Кыштак 1924-жылы негизделген. Калкы 2346 (2009); негизинен мал багып, багбанчылык кылышат. Орто мектеп, китепкана, психология-неврол. интернат үйү (аялдар үчүн), бала бакча, маданият үйү бар. Турмуш-тиричилик кызматынын бөлүмдөрү, соода түйүндөрү иштейт. Улуу Ата Мекендик согушта курман болгондорго эстелик тургузулган.