МАЛЕР
МАЛЕР Густав (7. 7. 1860, Богемия - 18. 5. 1911,
Вена) - австриялык композитор, дирижёр, опералык режиссёр. Батыш европалык неоромантизмдин акыркы өкүлү. 1880-жылдарда Австрия, Венгрия опера театрларда жана алар менен бирге 1897-1907-жылы Вена Хан сарайынын операсында кызмат кылган; 1907-ж-дан АКШда. Симфониялары (10, акыркысы бүтпөй калган) жана «Жер жөнүндө ыр» симфониякантатасы (1888- 1909) 19-к-дын аягы - 20-к-дын башындагы симфонизмдеги эң көрүнүктүү чыгармаларынан болгон. Анын чыгармачылыгы музыкалык экспрессиялуулукту пайда кылган. М. өз мезгилинин мыкты
дирижёру катары музыкалык театрдын өнүгүшүнө зор салым кошкон.