МАГЕЛЛАН КЫСЫГЫ
МАГЕЛЛАН КЫСЫГЫ Түштүк Америка материги менен Оттуу Жер а-нын аралыгында. Чилиге карайт. Атлантика жана Тынч океандарын туташтырат. Узундугу 575 км, эң кууш жери 2,2 км, эң тайыз жери фарватеринде 19,8 м. Көптөгөн суу астындагы аскалар жана тайыз жерлер кеме жүрүүгө тоскоолдук кылат. Оттуу Жер архипелагындагы мөңгүнүн этеги кысыктын деңгээлине чейин түшөт. Кууш жериндеги суу ташкынынын ылдамдыгы 25 км/с. Порту - Пунта-Аренас (Чили). 1520-жылы кысыкка 1-жеткен деңиз саякатчысы Ф. Магелландын ысмынан аталган.