ЛУДЧУЛАР
ЛУДЧУЛАР - 18-к-дын аягы - 19-к-дын башында Улуу Британиядагы машинанын өндүрүшкө киргизилишине каршы чыккан жумушчу кыймылынын катышуучулары. Өзүнүн жип ийруү станогун талкалаган Нед Луддун ысмына байланыштуу аталып калган деген жоромол бар. Л. өндүрүшкө машиналарды киргизүү жумушсуздукту пайда кылып, эмгек шартын оордотот деген түшүнүк менен машиналарды, ошондой эле фабрикалдрды да талкалашкан. Л-дын алгачкы көтөрүлүшү 18-к-дын 60-жылдарынын аягында Ноттингем жана Шеффилдде башталып, 70-жылдардын аягы - 90-жылдардын башында Ланкашир, Уилтширж. б. графтыктарга, 1811-13-ж. өтө күчөп, Арнолд, Ноттингем, Лидс, Шеффилд, Манчестер ж. б. шаарларга тараган. 1812-жылы Л-га каршы өлүм жазасы киргизилген.