ЛЕКЦИЯ
ЛЕКЦИЯ (лат. 1ес11о - окуу) - окуп берүү; ил. негизде баяндап берүү, түшүндүрүү. Мектепте (жогорку класстарда), айрыкча ЖОЖдордо өтө кеңири колдонулат. Зарылчылыгы төмөнкүдөй жагдайлар м-н шартталат: жаңы ачылган сабактар б-ча окуу китептер түзүлө элек учурда же татаалдаштырылып, өздөштүрүү үчүн кыйынчылыктарды жараткан учурда окутуучу тарабынан Л-да чечмеленет. Айрым маселелер б-ча карама-каршы пикирлер, концепциялар болгон мезгилде да аны анализдеп жалпы корутундулоо Л-нын милдети. Л. окутуу методу катары төмөнкүдөй үч функцияны аткарат: маалымат жеткирүү, б. а. ил. теор. маалыматтарга ээ кылат; өбөлгөлөө б. а. темага карата кызыгууну ойготот, тереңдетет, өз алдынча окууга түрткү берет; түрдүү маселеге жеке сын көз карашынын калыптанып өнүгүшүнө негиз болот. Л.-нын бир нече типтерин бөлүп кароого болот: максаты б-ча үгүт-насыят, таалим-тарбия багытындагы лекциялар; мазмуну б-ча академиялык ж-а ил.-популярдуу лекциялар; окуу процессиндеги ордуна карай: киришүү, корутундулоо, жалпылоо ж-а обзордук болуп бөлүнөт.