ЛЕЙТЕНАНТ
ЛЕЙТЕНАНТ (фр. Иеи1енап1 - орун басар) - көпчүлүк мамлекеттердин куралдуу күчтөрүндөгү кенже офицерлер курамынын аскердик наамы; Л. алгач Францияда пайда болуп, отряд начальнигинин орун басары (16-к-дан рота командиринин орун басары) деп аталган. 17-к-дын 2- жарымынан Франция ж. б. өлкөлөрдө Л. армия ж-а флотто офицердик аскердик наамга айланган. Россияда Л. наамы 1701-жылдан флоттун кенже офицерлери, 1722-жылдан армия ж-а гвардиянын офицерлери үчүн ыйгарылган. 1716-жылдан «Л.» түшүнүгү кээ бир генералдык наамдардын (генерал-фельдмейстер-Л., генералЛ., генерал-квартирмейстер-Л. ж. б.) курамдык бөлүгү катары колдонулган. СССРде Л. аскердик наамы 1935-ж., КРде «Аскердик наамдарды, класстык чиндерди, атайын класстык чиндерди ж-а атайын наамдарды белгилөө жөнүндө» мыйзамынын негизинде 1999-ж. кирген (к. Аскердик наамдар).