ЛАЗЕРДИК КУРАЛ —
ЛАЗЕРДИК КУРАЛ — адамдарды жабырлантууга ж-а аскер техникасын иштен чыгарууга арналган куралдын түрү. Л. к. тез арада аракетке келүүсү, нурунун ылдамдык м-н таркашы, тактыгы ж-а көрүнбөгөндүгү м-н мүнөздөлөт. Булут, туман, чаң, түтүн ж. б. лазер нурунун күчүн кыйла начарлоого алып келет. Ал атмосферада 6 к.иге (космосто бир нече мин клгге) чейинки аралыкка жете алат. 20-21-к-да Л. к-дын чегинде өлтүрбөөчү курал катары мерчемдүү дозадагы нурду жиберүү, адамдын көрүү органдарын начарлатуу ж-а оптикалык-электрондук каражаттарды керектен чыгаруу үчүн Л. к-дын тактикалык үлгүлөрү иштелип чыккан. Бирок эксперименттик үлгүлөр оор ж-а эби-сыны жок болгондуктан, ракеталарды, реактивдүү снаряддарды, космостук учуучу аппараттарды практика жүзүндө колдонуу татаал. АКШ, Россия, Япония, Израил, Кытай ж. б. мамлекеттерде Л. к-ды түзүү б,-ча иштер жүргүзүлүүдө.