НАМИБ
НАМИБ - Намибиядагы чөл, океан жээгинде. Мосамедиш ш-нан (түндүк) Олифантс д-нын чатына чейин (түштүк) созулат. Чыгышка тектирленип, көтөрүлгөн түздүк (бийикт. 1000-1200 м). Түндүгү шагыл.-кумдуу, түштүгү таштуу чөл. Эң нымдуу мезгилде жылына 100 ммге чейин жаанчачын жаайт. Кунене жана Оранж д. агып өтөт; убактылуу аккан суулары да бар. Жер астындагы суулар жер бетине жакын жаткан жерлерде акация, сүттүү чөп, алоэ, вельвичия өсөт. Алмаз жана уран (Людериц бухтасы аймагында) казылып алынат.