НАЗАРОВ

НАЗАРОВ Орзубек (30. 8. 1966-жылы туулган, Кант ш.) - профессионал боксчу, бокс боюнча дүйнөнүн 7 жол­ку чемпиону (1993-жылдан, жеңил салмак). СССРдин

спорт чебери (1982), Эл аралык класс­тагы спорт чебери (1984), СССРдин (1985, 1987, 1988), Европанын (1987) чемпиону, КРдин спортко эмг. сиң. чебери (1989). КМДТИни бүтүр­гөн (1985). 1985- 89-ж. КРдин мамлекеттик спорт комитетинде спорт боюнча инст­руктор, 1989-жыл­дан Япониянын «Кю 0 Ей боксин жин» фирмасында иштеген. Дүйнө чемпионатында (1986, Рино ш.) жана дүйнө кубогунда (1987, Бел­град ш.) 3-орунга ээ болгон. Япониянын 5 жол­ку, Азия менен Океаниянын 6 жолку чемпиону болгон. Профессионалдык рингде 27 беттешүү өт­көрүп, 26сын жеңген, 20сын нокаут менен аякта­ган. Бүткүл дүйнөлүк бокс ассоциациясынын чем­пиону наамына беш жолу ээ болгон. Спортчуга берилүүчү «Алтын кур» сыйлыгынын (1996) ээси. «Даңк» (1997) ж. б. медалдар менен сыйланган. 2008-10-ж. КРдин Жогорку Кеңешинин депута­ты. Алгачкы машыктыргычы Г. Ф. Аноприев.