МЮНЦЕР

МЮНЦЕР Томас (1490, Штольберг, Рарц - 27. 6. 1525, Тюрингия, Мюльхаузенге жакын) - немис революционери, Реформациядагы элдик агымдын идеологу, Германиядагы дыйкандар согушунун (1524-26) көрүнүктүү жол башчысы. Ал Реформацияны феодалдарга, бардык тө­рөлөргө каршы көтөрүлүштүн башы деп түшүн­дүрүп, бийлик элге өткөндө гана эзүүсүз жана жеке менчиксиз коом өкүм сүрө турганын көрсөткөн. 1525-ж. Тюрингиянын Мюльхаузен ш-ндагы рев­ячыл бийликти башкарып, Тюрингия-Саксо­нияда дыйкандар согушунун бирдиктүү борбо­рун түзүүгө аракеттенген. Бирок М-дин отряды 1525-ж. 15-майда Франкенхаузен ш-нын жанын­дагы салгылашта князь аскерлеринен жеңил­ген; М. туткунга түшүп, өлтүрүлгөн. М-дин ди­ний философиялык окуусу католицизмге гана эмес, жал­пы эле христиан дининин бардык негизги дог­маттарына каршы багытталган,- М. социалдык­саясий программасында келечектеги түзүлүш бар­дык эзүүчүлөргө каршы эл массасынын революциячыл күрөшүнүн натыйжасында орнойт деп ыраста­ган. Бирок анын бул түшүнүгү турмуш чынды­гынан алыс турган.

<thead></thead><tbody></tbody>

Жазуунун түрү	Белгиси	Мезгили
Орхон-Енисей жазуусу	) гР «Г	У-Х-к.
Араб алфавити	о	ХУШк- 1927-ж.
Латын алфавити	N п	1927-41-ж.
Орус(кириллица) алфавити	Н н	1941-жылдан