МУНДУЗБАЕВА
МУНДУЗБАЕВА Жыргал (8. 3. 1935-жылы туулган, азыркы Чүй обл., Аламүдүн р-ну, Кой-Таш кыш.) - саанчы, Сод. Эмг. Баатыры (1966), Кыргыз ССРинин мал чарбасына эмг. сиң. устаты (1974). СССР мамлекеттик сыйл. лауреаты (1984). 1958- жылдан Аламүдүн р-нундагы Стрельникова атындагы асыл тукум заводунун саанчысы болуп иштеген. Ал 1965-ж. өзүнө
бекитилип берилген 20 уйдун ар биринен 4624 кг- дан сүт саап алган. 1967-71-ж. Кыргыз ССР Жогорку Советинин депутаты. Ленин, Октябрь Революциясы, Эмгек Кызыл Туу, «Ардак Белгиси» ордендери менен сыйланган.