МУҢГУШ
МУҢГУШ - кыргыздын оң канатына таандык уруулардын бири. Кыргыз санжырасы боюнча Ак уулдун балдары М., Адигине, Тагай жана Наалы эже болуп эсептелет. Жазма маалыматта (к. «Мажму ат-Таварих») да Адигине, Тагай, Кара Багыштар менен бирдикте Отуз уулдун (огул) бир уулу катары эскерилет. М-тар азыркы учурда жагалмай жана кош тамга деген эки бөлүктөн туруп, негизинен адигине уруулары менен бирге Фергана-Алай, Талас-Чаткал өрөөндөрүндө, КЭРде (Улуу-Чат, Какшаал) турушат.
Р. Жолдошев.