МУНИЦИПАЛДЫК КЫЗМАТ
МУНИЦИПАЛДЫК КЫЗМАТ - жарандардын жергиликтүү өз алдынча башкаруунун өкүлчүлүктүү жана аткаруучу-тескөөчү органдарындагы кесиптик жана акы төлөнүүчү негизде жүзөгө ашыруучу иши. Жарандардын КР Конституциясына жана мыйзамдарына ылайык жергиликтүү өз алдынча башкаруу органдарында түзүлгөн жана ушул органдардын ыйгарым укуктарын аткарууга байланыштуу кесиптик иши муниципалдык кызмат болуп саналат. КРдин жарандары жынысына, расасына, улутуна, тилине, тегине, мүлктүк жана кызматтык абалына, жашаган жерине, динге карата мамилесине, ынанымдарына карабастан, муниципалдык кызматка карата бирдей мүмкүнчүлүккө ээ. М. комитетта уюштуруу жана иштөө тартиби КР мыйзамдары менен жөнгө салынат.