МИШКОЛЬЦ
МИШКОЛЬЦ - Венгриядагы Будапешттен кийинки ө. ж. өнүккөн 2-шаар. Өлкөнун түндүк-чыгышында жайгашкан. Боршод-Абауй-Земплен медьесинин (адм-айм. бирдик) администрациялык борбору. Калкы 173,6 миң (2010). Оор машина куруу, металл иштетүү, тамак-аш, кийим тигүү, текстиль ө. ж. ишканалары иштейт. Институт, музей, китепкана, театр, илим-изилдөө борборлору бар. 13-16- к-дагы архитектуралык эстеликтер сакталган. Шаардын аймагынан көмүр казылып алынат. Бальнеол. курорт иштейт.