МИКСЕР
МИКСЕР (англ. mixer - аралаштыргыч) — 1) м еталлургияда- домна мешинде цилиндр же челек сымал идиш. Анда эритилүүчү чоюндун химиялык курамы жана температурасы бирдей абалга келтирилет, ошондой эле күкүртсүздөндүрүлөт. М-дин сыйымдуулугу 2500 гга чейин болот; 2) т и р ич и л и к М-и - жемиш жана жашылча креми, коктейли ж. б. тамактарды жасоодо аралаштыруучу, чалуучу прибор. М-де азыктар электр кубаты менен айландырылат, атайын идиште аралаштыргыч же бычак менен майдаланат же чалынат.