МАМЛЕКЕТТИК ИНСПЕКЦИЯЛАР
МАМЛЕКЕТТИК ИНСПЕКЦИЯЛАР - атайын түзүлгөн мамлекеттик контролдоочу органдар. Негизги максаты - мыйзамдуулукту бузууга жол бербөө, мамлекеттик тартипти чындоо жана аны сактоо боюнча чараларды колдонуу. М. и. КРдин мамлекеттик саясатын жүргүзүү үчүн КР Өкмөтүнүн, министрликтердин, ведомстволордун алдында түзүлөт. М. и. өзүнө баш ийген мекемелердин ишине, анын ичинде пландаштыруу, материалдык-техникалык жактан жабдуу, финансы жана кредит, кадр, эмгек акы, башка социалдык маселелерди чечүүгө көмөк берет.